Jirgin saman Saudiyya ya fado a Yaman

Jirgin yaki na sama mallakar Kawancen kasashen Larabawa da Saudiyya ke wa jagoranci ya fado a Kasar Yaman inda aka samu nasarar kubutar da matukansa 2.

Sanarwar da Kawancen kasashen Larabawar suka fitar ta ce, sakamakon matsala da jirgin ya samu ya fado a yankin lardin Sada.

Sanarwar ta ce, an kubutar da matukan jirgin 2 tare da kai su Saudiyya.

Tashar talabijin ta Al-Misra mallakar 'yan tawayen Houthi ta ce, harbo jirgin aka yi.

Tsawon shekaru ana rikicin siyasa a Yaman inda dakarun gwamnati da 'Yan tawayen Houthi suke arangama da juna.

A watan Maris din 2015 ne kuma gwamnatin Yaman ta nemi taimakon kasashen Larabawa domin yakar 'yan tawayen na Houthi.